Die Afrikaanse taal

Daar bestaan 'n taal in Suider-Afrika wat soos geen ander taal die vermoë het om hierdie deel van die wêreld te beskryf, wat die denkwyses van Afrika en Europa in hom verenig en fier die kontinent van sy ontstaan in sy naam dra: Afrikaans!

Die 6,5 miljoen mense wat Afrikaans as moedertaal gebruik, word in groot getalle aangetref in elkeen van Suid-Afrika se nege provinsies asook in Namibië. Klein groepies Afrikaanssprekendes is ook te vinde in Botswana, Zimbabwe, Zambië en ander lande ten noorde van die Limpopo. Afrikaans is dus wyer oor Suider-Afrika versprei as enige ander inheemse taal. 'n Verdere 12 miljoen mense gebruik dit as tweede of derde taal, wat beteken dat Afrikaans, meer as Engels of Zulu, die belangrikste omgangstaal in Suid-Afrika is. 

Ons taaldienste

Wie van plan is om 'n besoek aan Suid-Afrika of Namibië af te lê, sal dit nuttig vind om 'n bietjie Afrikaans te leer. In die meeste toeriste-situasies is dit moontlik om met die eertydse koloniale taal Engels saaklik oor die weg te kom. Maar iemand wat 'n inheemse taal gebruik, sal in staat wees om nie net tot die mense se ore te spreek nie, maar ook tot hulle harte! 

Uit 'n taalkundige oogpunt is Afrikaans uiters interessant. As die jongste Germaanse taal en enigste wat buite Europa ontstaan het, het Afrikaans die vêrste gevorder op die pad van grammatikale vereenvoudiging. Dit is 'n dinamiese taalmedium met 'n groot uitdrukkingsvermoë wat spog met 'n hoog ontwikkelde woordeskat, hoofsaaklik uit eie middele geskep.

Ken u iemand wat in Afrikaans belangstel en dit graag wil aanleer? Lees meer oor Doringboom se taalkursusse en vertaaldienste op die betrokke bladsye. 

  © Doringboom®. Laas bygewerk op 25-05-2018.

Impressum - Haftung - Datenschutz